Izan lankide
Kirolaren bitartez, bizitza eredu osasuntsuago bat sustatzen taldekide izan nahi baduzu
Bultzatu gizartearen ongizatea eta eraldatu zure bizimodua. Bizi-kalitatea hobetu eta oreka pertsonala landu ATHLONen.
Testigantzak
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
«2017ko apirilean jaso nuen Athlon Koop. Elkartetik deia, Gasteizko ikastetxe batean eskolaz kanpoko jardueren koordinatzaile gisa hasteko. Une hura ziurgabetasun apur batekin gogoratzen dut, aurreko enpresan nuen lanarekiko aldaketa handia baitzen, eta erabakia hartzea ez zen erraza izan. Hala ere, hasierako zalantzak gainditu ondoren, dena bere onera etorri zen lankideen babesari, gertutasunari eta etengabeko laguntzari esker; haiek erraztu baitzidaten bai lanpostura bai kooperatibaren lan- filosofiara egokitzea.
Denborarekin, Athlonen barruan profesionalki hazten joan naiz, ardura berriak hartuz eta Gasteizko hainbat ikastetxetan lan eginez. Ikastetxe bakoitzak esperientzia zabaltzeko aukera eman dit, hezkuntza-errealitate desberdinak ezagutuz eta koordinazio zein talde-kudeaketarako gaitasunak sendotuz.
Gaur egun, bi ikastetxetan kirol jardueren koordinatzaile naiz, eta, horrez gain, Gasteizko koordinatzaileen lan-taldeko koordinatzailea ere banaiz. Era berean, Denon Eskola programaren barruan AMPEn aholkularitza-taldeko kide naiz, Arabako Foru Aldundiarekin eta Gasteizko Udalarekin elkarlanean.
Atzera begiratuta, Athloneko nire ibilbidea etengabeko ikaskuntza, hazkunde profesionala eta kirolarekiko zein hezkuntza-komunitatearekiko konpromisoaren bidea izan da, betiere kooperatibaren ezaugarri den talde-lanaren bidelaguntzarekin.»
Iñaki Del Río Aguinaco
«Athloneko parte izatea proiektu kooperatibo baten parte izatea da, non pertsonak eraldaketaren benetako motorra garen. Nire ibilbidea erakundearen barruan hainbat zerbitzutatik igaro da, Prestakuntza arlotik hasita, Berrikuntza arlotik jarraituta eta, azkenik, Osasun arloan amaituz. Beti ikuspegi kolektibo batetik parte hartuz: elkarrekin aurrera egitea, ezagutza partekatzea eta etorkizuna modu parte-hartzailean eraikitzea.
Gorputz Hezkuntzaren eta Kirolaren Zientzietan dudan prestakuntzatik abiatuta, berrikuntzan eta barne-ekintzailetzan egindako espezializazioarekin osatuta, ekimen bakoitzean ikuspegi estrategikoa eta konpromiso kooperatiboa uztartzeko lan egin dut. Gure ereduan, berritzea ez da soilik zerbitzuak hobetzea; kultura, erantzunkidetasuna eta sortzen dugun gizarte-eragina indartzea ere bada.
Balio kooperatiboekin koherentea den lidergoan sinesten dut: bazkideen eta taldeen talentua erraztu, entzun eta aktibatzea. Nire helburua da Athlonek erakunde gisa eboluzionatzen jarrai dezan laguntzea, ongizatea, lankidetza eta jasangarritasuna egiten dugun guztiaren erdigunean mantenduz.»
Asier Viteri Dávila
«1998an sartu nintzen Athlonen idazkari gisa, administrazio-lanak eginez eta taldeari laguntza emanez. Hasieratik ikasteko eta kudeaketa orokorrean inplikatzeko interesa erakutsi nuen, lan taldera erraz batuz.
Athlonek prestakuntza-aukera eta proiektu berrietan parte hartzeko aukera eskaini zidan nire garapen profesionalaren alde eginez. Nire aldetik, erronka bakoitza ahaleginarekin, lanarekin eta hazteko gogo handiarekin hartu nuen.
Elkarlan horri esker, gaur egun Athloneko Komunikazio arduraduna naiz, enpresak barne-talentuarekin duen konpromisoaren eta nire dedikazio profesionalaren isla.»
Judith Eraña Uriarte
Athloneko Komunikazio arduraduna.
«2003an hasi nintzen praktiketan Athlonen, orain geure gerentea denarekin. Lehengo egunetik, pairatu nuen, Athlonek zugan jartzen duen konfiantza eta interesa. Ez naiz inoiz bakarrik sentitu. Denetarik egitea tokatu zait Athlonen, osasunak eta hezkuntzak ukitu ditzakeen “ia” alor guztiak ezagutu, ikusi eta ikasi ditut. Etengabeko erronkak eta ikaskuntza prozesuak. Ez naiz inoiz aspertu. Eta garrantzitsuena, beti egon da norbait entzun eta lagundu nauena.«
Urtzi Amiano Salterain
¿En qué podemos ayudarte?
Contacta con nosotros para informarnos de nuestros servicios